Galicia continuará durante este día baixo influencia anticiclónica, con ventos do nordés. Con esta situación, espéranse ceos nubrados durante a mañá, con néboas en puntos do interior, tendendo a desaparecer as nubes de sur a norte, quedando pola tarde o ceo pouco nubrado ou despexado, excepto no extremo norte onde se manterán as nubes baixas.
As temperaturas mínimas estarán en lixeiro descenso, con xeadas en zonas de interior, mentres que as máximas experimentarán un lixeiro ascenso.
Os ventos soprarán do nordés, moderados no litoral e máis frouxos no interior, diminuíndo a frouxos pola noite.
