Galicia atoparase este martes na influencia dun centro de baixas presións localizado sobre o Golfo de Biscaia, o que deixará un día de ceo moi anubrado e chuvascos máis frecuentes e xeneralizados durante a mañá, tendendo a remitir co avance da tarde, que poderán ser ocasionalmente tormentosos e acompañados de saraiba.
Pola súa banda, a cota de neve situarase nos 800 metros ao principio do día e quedará nos 900-1.000 metros o resto da xornada deste martes.
Segundo a información de Meteogalicia, dependente da Consellería de Medio Ambiente, o vento soprará do noroeste, moderado, con intervalos fortes ao principio da xornada no litoral.
En canto ás temperaturas, experimentarán un descenso entre lixeiro e moderado. Deste xeito, as máximas subirán até os 12 graos na Coruña, Ourense, Vigo e Ferrol, mentres que as mínimas descenderán até o catro graos en Santiago.
