Atropelada unha persoa en Vigo que estaba sentada na mesa dun local

A ferida foi trasladada ao Hospital Álvaro Cunqueiro
112 Galicia. DP
photo_camera 112 Galicia. DP

Unha persoa resultou ferida este mércores en Vigo tras ser atropelada por un turismo na estrada de Valadares.

Segundo a información facilitada a Urxencias 112 Galicia, a persoa ferida estaba sentada na mesa dun local cando foi alcanzada polo vehículo.

O accidente sucedeu ás 14:30 horas e, ademais da asistencia médica, ao lugar do accidente acudiron os axentes da Policía Local, que trata de esclarecer as circunstancias do sinistro. Ademais, desde o 112 informouse aos Bombeiros de Vigo e aos membros de Protección Civil da localidade por se fora precisa a súa intervención.

Finalmente, a persoa ferida foi evacuada ata o Hospital Álvaro Cunqueiro da cidade.

Comentarios