O cadáver da moza de 20 anos desaparecida desde o pasado mes de febreiro en Vinaroz (Castelló) foi atopado este domingo en Ulldecona (Tarragona) tras a confesión da súa parella. A Garda Civil investigaba a desaparición e nas últimas horas detivera a tres homes presuntamente implicados, entre eles o noivo da moza, e efectuara varios rexistros nas dúas localidades.
Tras o seu arresto, a parella da moza confesou onde estaba o corpo, que foi achado no termo de Ulldecona, unha localidade situada a uns vinte quilómetros de Vinaroz e onde viven familiares deste mozo. Segundo declaracións de testemuñas, a moza e o seu noivo, ambos de orixe moldavo, discutiron a mediados de febreiro nunha discoteca e despois a moza non regresou á súa casa en Vinaroz.
Os axentes rexistraron este sábado varios inmobles e coches en ambas as localidades, ás que se trasladaron desde Madrid membros da Garda Civil especializados en Criminalística para avanzar na investigación.
