Un avión da compañía papuana Air Niugini terminou nunha lagoa costeira dunha illa de Micronesia (Pacífico Sur) tras saltarse a pista durante a aterraxe, nun suceso sen vítimas mortais.
En decenas de barcas pequenas, os equipos de urxencia e pescadores na zona apresuráronse nas tarefas de rescate para os 36 pasaxeiros e 11 tripulantes que viaxaban na aeronave e que acabou parcialmente afundida, como se aprecia nun vídeo que se converteu viral en internet.
O aparello, un Boeing 737-800, tiña previsto facer escala no aeroporto de Chuuk, na illa de Weno, dos Estados Federados de Micronesia, cando na manobra de aproximación á pista de aterraxe concluíu nas augas anexas ao aeródromo, apunta nun comunicado a aerolínea.
Air Niugini, a compañía de bandeira de Papúa Nova Guinea, confirmou que todos as persoas a bordo foron evacuadas de xeito seguro.
As autoridades e a aerolínea abriron unha investigación para aclarar o sinistro, do que polo momento se descoñecen as causas.
Un avión salta a pista de aterraxe e cae nunha lagoa de Micronesia
Non houbo vítimas mortais
