Tres homes que foron detidos estes Sanfermíns en Pamplona acusados de senllos casos de abusos sexuais consistentes en tocamentos foron condenados polo xulgado de garda.
As sentenzas ditáronse de conformidade, segundo informaron desde o Tribunal Superior de Justicia de Navarra. No entanto, non transcendeu cales foron as condenas nestes tres casos, dado que os letrados da Administración de Xustiza non facilitan as sentenzas nin autos ao gabinete de comunicación do tribunal de Navarra nin doutros do resto de España.
Os letrados adoptaron esta medida en protesta por un informe elaborado por unha vogal do Consejo General del Poder Judicial sobre a filtración de datos da vítima da Manda e que, segundo os letrados, pretende "facer responsable da filtración de datos persoais da vítima á letrada da Administración de Xustiza da Sección Segunda da Audiencia Provincial".
