O Partido Popular celebrará o congreso extraordinario para elixir á substitución de Mariano Rajoy e a nova dirección os próximos 20 e 21 de xullo, segundo anunciou o líder do partido.
No seu discurso ante a Xunta Directiva Nacional do PP, Rajoy anunciou estas datas que debe ratificar agora este órgano porque, segundo explicou, o PP non debe demorarse en ofrecer "certidumbre e seguridade".
Por iso xustificou que se convoque o Congreso nos prazos máis breves que permiten os estatutos do PP. "Imos facer as cousas en tempo e prazo, con orde, pero sen perder un segundo porque os españois non poden estar a esperar por nós", dixo.
Tras insistir en que hai que limitar ao máximo o período de tránsito e interinidade no PP, pediu que o seu partido non se enrede nun "proceso de ensimismamiento". O obxectivo é que o PP estea xa en setembro en perfecto "estado de revista".