O Goberno de España condenou este venres a decisión das autoridades israelís de aprobar a construción de novos asentamentos no territorio palestino ocupado de Cisxordania e Xerusalén Este.
Nun comunicado do Ministerio de Exteriores, o Executivo presidido polo socialista Pedro Sánchez recorda a súa "política constante de condena" aos proxectos de expansión de novas colonias de vivendas israelís en territorio palestino.
Estes proxectos "constitúen ademais un serio obstáculo para a posibilidade da creación dun futuro Estado&de nbsp;Palestina contiguo e viable", sinala a nota.
O Goberno español reafirmou así a súa posición a favor dunha solución de dous Estados en Oriente Medio e chamou ás partes a renovar as negociacións de paz.
Recordou que os asentamentos israelís en territorios ocupados palestinos son ilegais segundo o dereito internacional, como sinalou repetidamente a ONU.
