A institución castrense rexeita o que considera "accións ilegais coas que se persegue instalar un goberno paralelo" en Venezuela, "así como os alevosos chamados dalgúns sectores" para apartala do "carreiro democrático".
"Rexeitamos do modo máis enérxico posible os groseiros actos de inxerencismo levados a cabo por gobernos estranxeiros os cales consideramos irrespetuosos do dereito internacional e do principio de autodeterminación dos pobos, sendo ademais ofensivos á dignidade dos venezolanos", indícase no escrito.
Así mesmo, asegúrase que a FANB vai garantir "a paz cidadá e o correcto funcionamento das institucións do Estado" e non tolerará "feitos vandálicos ou terroristas por parte de grupos que promovan a violencia como perverso mecanismo para alcanzar os seus fins".
Finalmente, reitera que recoñecen como "lexítimo presidente" a Nicolás Maduro "quen resultou electo coa gran maioría dos votantes en eleccións libres, universais directas e secretas celebradas o pasado 20 de maio de 2018".
Antes de ler o comunicado, Padrino denunciou un "golpe de estado" ao aludir á autoproclamación de Guaidó como "presidente encargado", un feito que considerou "reprochable".
Acusou a factores "exasperados" da oposición venezolana de querer "irromper dun xeito violento, esquizofrénica" ao propiciar un goberno de facto que, augurou, "non vai ser vitorioso".
