O salmantino José Pinto, gandeiro e mítico membro do equipo dos Lobos de Boom, faleceu aos 57 anos de forma repentina. Atresmedia fíxose eco da noticia e transmitido as súas condolencias pola morte do exconcursante, que abandonou o programa o 18 de decembro por motivos persoais.
Polo momento descoñécense as causas do seu falecemento —algúns medios apuntan a que puido tratarse dun infarto— e só transcendeu que os profesionais médicos que se trasladaron ata o seu domicilio non puideron facer nada por salvarlle a vida. Cando anunciou que deixaba o concurso con 373 programas ás súas costas non aludiu a ningunha enfermidade. Entón indicou que estaba cansado de compaxinar o seu oficio de gandeiro coas viaxes e a televisión.
"Eu teño que seguir facendo o meu traballo no meu pobo e cando ía gravar tiña que facer o meu traballo en Boom", relatou entón. "Pensa que foron case dous anos e medio con dous traballos, un no pobo [en Salamanca] e outro en Barcelona, que é un palizón de viaxes, de horas de gravación...", engadiu nunha entrevista concedida a Marca.
Pinto converteuse ao deixar o programa en imaxe de Caixa Rural Salamanca cun anuncio no que aparecía como James Bond.
