Un médico galego, natural da Coruña, que traballaba desde hai unha década no hospital da cidade portuguesa de Santa Maria da Feira (norte), é un dos catro falecidos no accidente dun helicóptero que regresaba de atender unha urxencia.
O médico, identificado como Luis Vega, duns 40 anos, levaba unha década traballando no Hospital de Sãou Sebastiãou de Santa Maria da Feira, unha cidade situada no norte de Portugal, próxima ao Porto, onde traballan moitos españois, sobre todo de Galicia.
O medico, que estaba adscrito ao servizo de urxencias do hospital, vivía en Portugal coa súa parella, segundo fontes hospitalarias.
Tamén faleceron no accidente unha enfermeira e os dous pilotos que ían na aeronave.
O helicóptero accidentouse este sábado ás 19.50 horas (a mesma hora GMT) na comarca de Valongo –a 15 quilómetros do Porto– cando regresaban dunha urxencia da cidade de Bragança.
A aeronave deixou de ter sinal co aeroporto do Porto minutos antes das oito da tarde (hora local), polo que se activou o protocolo de procura e salvamento.
ás dúas da madrugada de hoxe foi localizado o helicóptero na Sierra de Pias, situada na comarca de Valongo, a 15 quilómetros do Porto.
