O Consello de Ministros aprobará este venres o nomeamento da exvicepresidenta do Goberno Soraya Sáenz de Santamaría como conselleira electiva de Estado, informaron fontes do Executivo.
Sáenz de Santamaría (Valladolid, 1971) retirouse hai pouco da política tras perder fronte a Pablo Casado na súa pugna por liderar o PP tras a marcha de Mariano Rajoy, do que foi estreita colaboradora.
As mesmas fontes engadiron que o Goberno de Pedro Sánchez aprobará os nomeamentos dos novos conselleiros electivos de Estado, entre os que figuran a expresidenta do Tribunal Constitucional María Emilia Casas, orixinaria de Monforte de Lemos, e o exministro de Xustiza José María Michavila. A eses nomes hai que sumar os do expresidente do Senado Juan José Laborda, así como a Jordi Guillot, Juan Antonio Ortega e Díaz-Ambrona, Elisa Pérez Beira, e Amelia Valcárcel.
