O líder de Vox detido o pasado martes, día 5, por presuntos abusos sexuais a persoas con discapacidade, José Antonio Ortiz, recoñeceu este venres que pedira fotos e vídeos ás dúas vítimas a través de mensaxes de WhatsApp. Segundo explicou a defensa a Efe, a cambio deste material, o acusado dáballes pequenas cantidades de diñeiro, aínda que nega ter acceso carnal ou tan sequera contacto físico con ningunha das vítimas.
Neste sentido, a defensa asegura que esta acusación tan só se desprendeu das declaracións das vítimas e que non se puido atopar ningunha proba respecto diso, e anunciou que recorrerá a decisión da xuíza de decretar prisión provisional, incomunicada e sen fianza.
A Fiscalía, pola súa banda, considera que existe un delito de abuso sexual, de elaboración de pornografía e de corrupción de discapacitados.
A xuíza ditou este venres pola tarde prisión provisional sen fianza e prohibición de comunicación para o líder de Vox en Lleida despois de recibir o caso e tras a súa declaración de dúas horas no xulgado de garda. A causa, segundo o Tribunal Superior de Xustiza de Cataluña, está aberta polos delitos de abuso sexual e pornografía sobre dúas persoas con incapacidade.
