Polo menos catro persoas están atrapadas tras afundirse este luns parte da estrada que une as localidades de Borba e Vila Viçosa, na rexión do Alentejo, no sur de Portugal.
A vía abriuse ao longo de varios metros e, ao ceder o chan, algunhas persoas quedaron atrapadas dentro dunha canteira situada xunto á estrada, confirmou o Comando Distrital de Operacións de Socorro de Évora (CDOS).
A fonte indicou que polo menos son catro as persoas atrapadas, sen que polo momento se coñeza o seu estado.
Pola focha da estrada coáronse un turismo e unha máquina usada nos traballos da canteira.
Nun lugar traballan actualmente 43 bombeiros e membros de persoal de socorro, catorce vehículos terrestres e un medio aéreo.