O Ministerio de Traballo deu o visto e prace á constitución dun sindicato no que teñen cabida todas as traballadoras sexuais.
O sindicato denominado Organización de Traballadoras Sexuais e coas siglas OTRAS foi aprobado pola Dirección Xeral de Traballo, que publicou a súa resolución o pasado 4 de agosto no Boletín Oficial de Estado (BOE), segundo adiantaron El Mundo e Público.
A vicepresidenta do Goberno e ministra de Igualdade, Carmen Calvo, pediu ao Ministerio de Traballo toda a información da que dispoña sobre este asunto para coñecer os detalles, segundo informaron a Efe fontes do citado departamento.
Segundo explícase no BOE, o visto e prace ao citado sindicato produciuse tras comprobarse "que reúne os requisitos previstos na Lei Orgánica de Liberdade Sindical e no Real Decreto sobre depósito de estatutos das organizacións sindicais e empresariais".
A solicitude de depósito foi formulada a principios de xullo e, tras detectar defectos na documentación presentada, a Dirección Xeral de Traballo requiriu a súa corrección, que se produciu a finais do mesmo mes.
O sindicato conta cos correspondentes estatutos e coa acta de constitución e ten o seu domicilio na Praza do Fénix de Barcelona aínda que o seu ámbito é estatal.
O Ministerio de Traballo aproba un sindicato de traballadoras sexuais
Conta cos correspondentes estatutos e coa acta de constitución e ten o seu domicilio na Praza do Fénix de Barcelona aínda que o seu ámbito é estatal