O DJ Adam Sky faleceu o pasado fin de semana nun fatal accidente nun complexo vacacional en Bali. O artista, un dos máis recoñecidos representantes da música electrónica, morreu ao estrelarse contra unha gran ventá cando intentaba axudar unha amiga que se caeu dunha terraza. Así se informa nas súas contas oficiais das redes sociais, en inglés, nunha mensaxe no que se detalla que os seus familiares e amigos viaxaron ao país para facerse cargo do corpo de Adam Neat.
A súa amiga, que sufriu fracturas, sobreviviu. O DJ non correu a mesma sorte. O cristal contra o que impactou partiuse en numerosos anacos que lle causaron profundos cortes no brazo. Ao ocorrer de noite nun establecemento afastado dun centro médico, morreu desangrado. Tiña 42 anos.
A súa familia declinou facer unha autopsia e a morte non se considera sospeitosa.
