O número de vítimas mortais do atentado terrorista do pasado martes en Estrasburgo elevouse este domingo a cinco tras a morte este domingo dun dos feridos, un home de nacionalidade polaca.
O ataque, no que houbo outros 11 feridos, tivo lugar no centro desa cidade, no perímetro do mercado de Nadal, e o seu autor, Chérif Chekatt, de 29 anos, foi abatido o xoves polas forzas da orde, tras dous días fuxido.
Sete persoas foron interrogadas baixo arresto no marco da investigación aberta pola Fiscalía de París.
Os pais e dous irmáns de Chekatt quedaron este sábado en liberdade sen cargos ante a ausencia de elementos que os incriminasen e este domingo foron liberadas, igualmente sen cargos, outras dúas persoas da súa contorna, mentres que a sétima aínda segue detida.