O coordinador xeral do PP, Fernando Martínez-Maíllo, acusou este venres ao líder socialista de pretender "asaltar" o poder mediante unha moción de censura e facelo "da man dos que pon en perigo España", en alusión a Podemos, e dos que queren "rompela", polos independentistas.
En rolda de prensa, Maíllo advertiu ademais de que a moción de censura "debilita a España" nun momento delicado co 155 en vigor en Cataluña e "dá vantaxe ao independentismo".
A moción, continuou, "non ten causa nin xustificación fóra da súa ambición de chegar ao Goberno" por parte de Pedro Sánchez, a quen acusou de cometer unha "auténtica irresponsabilidade" e de non merecer chegar ás "altas cotas de poder" que busca.