A Fundación Cermi Mulleres (FCM) desenvolveu 'Me respetas', unha nova aplicación móbil para que as nenas e adolescentes con discapacidade poidan loitar e previr o acoso escolar, coa que esperan contribuír a que o alumnado teña unha mellor e maior inclusión co colectivo discapacitado. A entidade desenvolveu esta aplicación con axuda do Ministerio de Educación e Formación Profesional, e poderase descargar de forma gratuíta nos próximos meses.
Nun comunicado, Cermi sinalou que a aplicación contará con todas as medidas de accesibilidade para poder ser usada por todo o alumnado con discapacidade, e que será unha ferramenta "dixital e de fácil manexo".
"As nenas e adolescentes con discapacidade están máis expostas que o resto do alumnado a sufrir condutas de acoso escolar, polo que resulta necesario dotalas de instrumentos que lles permitan entender as situacións de acoso, reaccionar contra elas mediante a denuncia", indicou a Fundación.
