A Sala Especial do artigo 61 da Lei Orgánica do Poder Xudicial (LOPJ) do Tribunal Supremo rexeitou por unanimidade o expediente de recusación presentado por oito dos procesados na causa por rebelión en Cataluña contra o presidente do tribunal que os xulgará, Manuel Marchena, e o resto de membros deste órgano, aos que acusaban de falta de imparcialidade.
O alto tribunal non ve tachas de imparcialidade e dá ao traste co último intento dos exmandatarios independentistas de apartar da causa a Marchena. Anula igualmente o intento do presidente de Ómnium Cultural, Jordi Cuixart, de invalidar tamén ao resto de maxistrados designados para xulgar este asunto, que son Andrés Martínez Arrieta, Juan Ramón Berdugo Gómez de la Torre, Antonio del Moral García, Luciano Varela Castro, Andrés Palomo del Arco e Ana María Ferrer García.
As recusacións presentáronse tras a revelación do contido dunha mensaxe que o portavoz do PP no Senado, Ignacio Cosidó, remitiu a un grupo de chat do seu grupo parlamentario afirmando que coa elección deste como presidente do Consello Xeral do Poder Xudicial (CGPJ) permitiría controlar "desde atrás" á Sala que axuizará o caso polo procés independentista en Cataluña.
