O presidente do Goberno, Pedro Sánchez, chegou á Habana pouco antes das cinco da tarde (once da noite en España) na que supón a súa primeira visita oficial a Cuba e a primeira viaxe de traballo dun presidente español á illa en 32 anos.
A visita de Sánchez comezará coa súa chegada á Praza da Revolución, onde está o Palacio Presidencial. Sánchez depositará unha ofrenda floral ante o monumento a José Martí —como establece o protocolo cubano, dixeron as fontes—-.
Unha vez no Palacio presidencial, Sánchez será recibido con honras militares e terá unha reunión a soas co presidente Díaz-Canel. Ambos se reunirán a soas e despois haberá un encontro das dúas delegacións, seguida dunha cea, pero non está prevista ningunha comparecencia ante a prensa conxunta por parte dos dous mandatarios.
Tras o encontro a soas entre Sánchez e Díaz-Canel, a reunión ampliarase ao resto das delegacións —Sánchez viaxa cos ministros de Exteriores e de Industria, Josep Borrell e Reyes Maroto—. Despois, é posible que se asinen varios acordos de ámbito cultural e consular e, finalmente, as dúas delegacións cearán xuntas.
