O Ministerio de Sanidade comunicou este luns 1.833 novos casos de coronavirus confirmados nas últimas 24 horas. Así, o total de positivos acumulado en España é de 359.082, o que supón máis de 16.000 infectados máis esta fin de semana, xa que o venres a cifra situábase en 342.813. Nos últimos catorce días, ata 18.072 persoas iniciaron síntomas, 5.327 nos pasados sete días.
Dos 1.833 novos casos, 203 corresponden a Andalucía, 389 a Aragón, 18 en Asturias, dous en Baleares, 78 en Canarias, 48 en Cantabria, nove en Castela-A Mancha, 29 en Castela e León, 129 en Cataluña, cinco en Ceuta, 21 en Comunidade Valenciana, 27 en Estremadura, 92 en Galicia, 324 en Madrid, catro en Melilla, quince en Murcia, 60 en Navarra, 344 en País Vasco e 36 na Rioxa.
Na última semana faleceron 54 persoas, 28.646 desde o inicio da pandemia segundo as cifras oficiais: seis en Andalucía, dous en Aragón, dous en Canarias, un en Cantabria, dous en Castela-A Mancha, seis en Castela e León, un en Cataluña, dúas en Comunidade Valenciana, dúas en Estremadura, tres en Galicia, 23 en Madrid, dúas en Murcia e dúas en Navarra.
Ademais, producíronse 1.016 ingresos hospitalarios (129.695 no cómputo global): 125 en Andalucía, 142 en Aragón, cinco en Asturias, 25 en Baleares, 47 en Canarias, 25 en Cantabria, un en Castela-A Mancha, 54 en Castela e León, 49 en Cataluña, dúas en Ceuta, 102 en Comunidade Valenciana, 13 en Estremadura, 61 en Galicia, 291 en Madrid, 29 en Murcia, 34 en Navarra, seis en País Vasco e cinco na Rioxa.
Tamén se notificaron 56 en unidades de coidados intensivos (Uci), para unha cifra global de 11.968 desde que o Covid-19 chegou a España: dez en Andalucía, catro en Aragón, catro en Baleares, seis en Canarias, un en Cantabria, un en Castela-A Mancha, tres en Castela e León, catro en Cataluña, cinco en Comunidade Valenciana, seis en Galicia, cinco en Madrid, un en Murcia, cinco en Murcia e un en País Vasco.
