Xavier Domènech deixa todos os seus cargos políticos

O dirixente Catalunya en Comú Podem, Xavier Domènech, anunciou este martes que deixa todos os seus cargos no partido e no Parlament tras unha "profunda reflexión" e asumir "a responsabilidade" que lle corresponde polo resultado nas últimas eleccións autonómicas.

Domènech fixo pública nas redes sociais unha carta na que traslada a súa renuncia como coordinador xeneral de Catalunya en Comú e como secretario xeral de Podem Catalunya e expresa o seu desexo de deixar paso "a novas persoas con ideas frescas e a enerxía necesaria para levar a cabo os retos que o país pide nos próximos meses".

O líder dos comúns sinala que tras "gañar por dúas veces, contra todo prognóstico, as eleccións xerais en Cataluña", posteriormente, nas eleccións catalás tiveron un resultado que "non foi o que queriamos e esperabamos -di-".

Nas últimas eleccións autonómicas, Catalunya en Comú Podem obtivo 8 escanos e un 7,46 % dos votos, que a situaron como quinta forza do Parlament. 

En els darrers anys us hei pogut acompanyar assumint unha responsabilitat pública que m'ha fet deurem a tots i totes aquelles que creuen nun projecte col·lectiu absolutament apassionant, però és hora de deixar pas. https://t.co/CCppAtjTa9 < href="https://t.co/5dz3Hr9ZQ7">pic.twitter.com/5dz3Hr9ZQ7<> — Xavier Domènech (\XavierDomenechs) 4 de setembro de 2018<>