O Xulgado do Penal número 2 de Avilés (Asturias) acolle este mércores a vista oral contra un home acusado de pedirlle á súa filla de 14 anos, a través dun perfil falso nunha rede social, que colgase fotos dela espida. Segundo o escrito de cualificación provisional da Fiscalía, os feitos ocorreron en xullo do pasado ano, cando o procesado utilizou un perfil falso de Instagram para contactar coa súa filla e pedirlle que subise á rede imaxes súas sen roupa.
O ministerio público sostén que o home chegou a enviar á súa filla, a través doutra conta, fotos de mozos novos medio espidos para incitala a que subise as súas imaxes. A Fiscalía considera que os feitos son constitutivos dun delito de abuso sexual e solicita que se condene ao acusado a un ano de prisión.
Ademais, interesa que se lle impoña a prohibición de comunicarse ou de achegase á súa filla durante tres anos.
