A Xunta Electoral provincial de Barcelona prohibiu a TV3, a Catalunya Ràdio e aos demais medios da Corporación Catalá de Medios Audiovisuais utilizar as expresións "presos políticos" e "exilio" mentres dure a campaña electoral.
A Xunta Electoral provincial estima un recurso presentado por Cidadáns (Cs) e considera que ditas expresións, "presos políticos", "exilio", pero tamén a de "xuízo da represión" vulneran "a neutralidade informativa".
Segundo indica na súa resolución a mencionada xunta electoral, este tipo de expresións identifícanse con "as mensaxes electorais de determinadas opcións políticas".
Tamén sinala que os medios de comunicación públicos "deben absterse de levar a cabo prácticas informativas que se aparten inxustificadamente da vixente legalidade" posto que podería haber "un prexuízo da neutralidade informativa".
Sobre o xuízo contra líderes independentistas que ten lugar en Madrid no Tribunal Supremo, a Xunta Electoral considera que os medios públicos da CCMA non poden cualificalo como "xuízo de represión" porque este está a ser "realizado dentro das normas do Estado de dereito".
