A cantante estadounidense Aretha Franklin atópase en estado moi grave e a súa familia agarda a súa morte, segundo apuntan varios medios estadounidenses.
A dixital Showbiz 411 informa de que a cantante, de 76 anos, está rodeada da súa familia e amizades próximos en Detroit á espera da morte.
Sobre a lendaria cantante de soul xa houbo rumores hai meses de que padecía cancro, aínda que ela sempre foi moi discreta sobre a súa saúde, recorda ese medio.
Nacida en 1942 en Menphis, Franklin leva na música desde os anos 50 e conta con grandes éxitos como Respect e Spanish Harlem, á parte de gañar dezaoito premios Grammy.
A súa última actuación foi en novembro de 2017 para un concerto en Nova York da Fundación Elton John para a loita contra a sida.
