O trompetista e percusionista neoiorquino Jerry González, un dos expoñentes mundiais do chamado latin jazz, faleceu este luns en Madrid aos 69 anos, informaron a Efe fontes da SGAE.
Nacido en Manhattan pero con raíces portorriqueñas, González comezou a tocar profesionalmente na súa cidade na década dos sesenta e en 2016 cumpriu os seus 50 anos de música cun ciclo de concertos en Madrid.
O falecido asentouse en España tras participar no documental de Fernando Trueba Calle 54 (2000) e, desde entón, traballou na fusión do flamenco e o jazz latino con proxectos como Jerry González y los Piratas del Flamenco e colaboracións con músicos como Paco de Lucía ou Diego El Cigala.
