O escritor británico e Premio Nobel de Literatura, Vidiadhar Surajprasad Naipaul, morreu na súa casa de Londres á idade de 85 anos, informaron este sábado fontes familiares.
A súa esposa, Lady Naipaul, quen cualificou ao autor como un xigante en todo o que logrou, precisou nun comunicado que "morreu rodeado de todas as persoas ás que amaba, vivindo unha vida chea dunha creatividade marabillosa e esforzo".
Ademais do Nobel de Literatura en 2001, V.S. Naipaul gañou tamén o Booker Prize en 1971, e era considerado como un dos escritores máis importantes en lingua inglesa dos séculos XX e XXI.
Nacera en Chaguanas, na illa de Trinidad e Tobago, no seo dunha familia descendente de inmigrantes indios. Desde alí viaxou ao Reino Unido e entrou na Universidade de Oxford en 1950 tras gañar unha bolsa do goberno.
Iniciou a súa carreira literaria en 1961 e desde entón escribiu unha trintena de libros, aínda que foi Unha casa para Mr Biswas a novela que o lanzou á fama.
