Vetusta Morla conseguiu vender as 38.000 entradas que compoñen o aforamento do que será o maior concerto da súa historia, o que terá lugar o próximo 23 de xuño na Caixa Máxica de Madrid.
Así o anunciou este xoves a súa oficina nun comunicado que presume de que a banda senlleira do indie patrio sexa "o primeiro grupo español do seu xénero capaz de reunir a tantos seguidores nun espectáculo propio".
A cita de Madrid forma parte da xira Mismo sitio, distinto lugar, titulada igual que o cuarto e último disco de estudo dos madrileños, publicado en 2017, que chegaba despés do éxito dos previos Un día en el mundo (2008), Mapas (2011) e La deriva (2014).
Chegará á Caixa Máxica logo do seu paso por América Latina, onde reuniu a máis de 20.000 persoas en 8 concertos, e por seis cidades españolas máis que suman á súa conta outros 52.000 espectadores.
Logo de Madrid, a xira de Vetusta Morla fará parada en Bilbao (30 de xuño), o Festival PortAmérica (6 de xullo), Fuengirola (21 de xullo), Santander (27 de xullo), Xixón (28 de xullo) e Alacante (28 de setembro). No mes de novembro chegará a 9 cidades do centro e norte de Europa.
