O Real Madrid, con goles de Karim Benzema, Marco Asensio, Álvaro Odriozola e Cristo González, gañou 0-4 ao Melilla en partido de ida dos dezaseisavos de final da Copa do Rei. No debut de Solari no banco madridista, tras relevar ao destituído Lopetegui, brillaron especialmente Vinicius e o lateral Odriozola.
O dianteiro francés Benzema aproveitou unha asistencia de Odriozola no minuto 28 para marcar a pracer o primeiro tanto do choque. Despois, ao fío do descanso, Asensio fixo o segundo tras un bo pase do brasileiro Vinicius Junior. Na segunda parte, Odriozola e Cristo González pecharon o marcador.
Santiago Solari mostrouse satisfeito co seu debut e dixo que o compromiso dos xogadores era coa camiseta non con el. "O equipo xogou con alegría, ilusión, compromiso e o resultado é froito diso", dixo. Tamén destacou o "gran talento" de Vinicius, que "é moi novo" e ten que "adaptarse a un fútbol novo e a un país novo".