Todos os dianteiros centros da selección española son conscientes de que entre Diego Costa, Álvaro Morata, Rodrigo Moreno e Iago Aspas caerá un da lista definitiva para Rusia. Pero o de Moaña, coa súa brillante actuación ante Arxentina no 6-1 deste martes, parece que sacou definitivamente o billete para o Mundial.
O dianteiro do Celta brillou en tan só 45 minutos. Entrou por Costa no descanso. E aínda que o hispano-brasileiro anotou un gol, o de Moaña fixo unha exhibición na segunda parte, cun tanto e tres asistencias.
Sobre a dura competencia falou precisamente Diego Costa tras o partido: "Obviamente direi que cabemos os catro porque quero estar no Mundial".
O ariete do Atlético de Madrid asegurou que quere "estar no Mundial" coa selección española e fará todo no o seu club para gañarse unha praza na lista definitiva de Julen Lopetegui, feliz por marcar a Arxentina e valorando como "unha pelexa moi linda" o pulso de noves.