A presenza de Iago Aspas e Nemanja Radoja é a principal novidade na lista de convocados de Juan Carlos Unzué para o partido que o sábado disputará o Celta de Vigo contra o Real Madrid no Santiago Bernabéu.
O internacional español recibiu no mediodía deste venres o alta médica logo de superar a rotura fibrilar de grao I no bíceps femoral dereito que lle impediu disputar os últimos tres partidos ligueiros contra a Valencia, Vilarreal e Deportivo, os mesmos que se perdeu o serbio Radoja, que recaeu da súa lesión ante o FC Barcelona.
Pione Sisto non viaxará a Madrid por precaución
Juan Carlos Unzué, finalmente, decidiu non forzar ao internacional danés Pione Sisto, que non viaxará a Madrid por precaución. O extremo e Emre Mor, que está apartado por decisión técnica, son as baixas do Celta para o duelo contra o vixente campión de Europa.
A lista completa fórmana Sergio, Rubén, Hugo Mallo, Sergi Gómez, Fontàs, Cabral, Roncaglia, Jonny, Mazán, Lobotka, Radoja, Tucu Hernández, Wass, Jozabed, Brais, Boyé, Iago Aspas e Maxi Gómez.
