O holandés Dylan Groenewegen (Lotto Jumbo) impúxose na sétima etapa do Tour de Francia disputada entre Fougères e Chartres, as máis longa da presente edición cun percorrido de 231 quilómetros, na que o belga Greg Van Avermaet (BMC) conservou a camisola amarela.
Groenewegen, de 25 anos, impúxose nun apertado esprint cun tempo de 5h.43.42 por diante do colombiano Fernando Gaviria (Quick Step) e do eslovaco Peter Sagan (Bora).
No xeneral segue á fronte Van Avermaet con 6 segundos sobre o británico Geraint Thomas (Sky) e 8 respecto ao estadounidense Tejay Van Garderen (BMC).
Este sábado a oitava etapa levará ao pelotón de Dreux a Amiens a través de 181 quilómetros.
