O Obradoiro dobrégase na prórroga

O Obradoiro Río Natura Monbús caeu ante un Gipuzkoa Basket que logrou a oitava vitoria da tempada con moito suor. Nin o seu lanzador Alberto Corbacho, que terminou con 34 de valoración, puido facer máis. O conxunto local non gañara nunca en San Sebastián aos galegos e viña ademais de perder os seus últimos catro partidos na casa, medos que aumentaron cando o Río Natura tomou o compás cos seus xogadores do perímetro acertados.

O conxunto vasco non é equipo dun só xogador e neste partido, a falta da anotación dos habituais Díez ou Dean, foron Hanley e Grimau quen tiraban do marcador pero os seus puntos non eran suficientes ante un gran Obradoiro que contou todo o encontro coa boneca quente de Corbacho. Tivo que espertar Jaume Ponsarnau aos seus xogadores tras o 11-21 do primeiro cuarto e o GBC retornou á cancha algo máis enchufado, para evitar que os composteláns deixasen xa practicamente encarrilado o encontro para o descanso.

Seguiu medio durmido o Gipuzkoa Basket durante moitos, o que aproveitou Río Natura para martillear o aro local e marchar con vantaxe a vestiarios, renda iso si minguada no tramo final do primeiro período grazas ao acerto de Iarochevitch. Transcorreu igualado o lance ata case o terceiro tempo, no que os vascos se puxeron por diante e comezaron a crer en que por fin podían dobregar ao conxunto galego tras catro tempadas intentándoo.

Río Natura fiábao case todo ao que puidese facer Corbacho, os sistemas ofensivos estaban claramente orientados á definición do mallorquín, noutra gran tarde, pero el só non podía. Gipuzkoa Basket estaba lanzado e baixo a batuta de Jared Jordan escapouse no marcador con dez puntos de diferenza, volveu achegarse Río Natura a tres (73-70) pero Iarochevitch estaba desatado e suxeitaba ao só ao seu equipo no luminoso.

78-78 era o marcador nos dous últimos minutos, un triplo de Grimau elevou a tres a renda e deixou a iniciativa aos donostiarras, Corbacho anotou un novo triplo e deixou os últimos 14 segundos a pelota en posesión local. A perdida da posesión por Dean outorgou un último tiro a Obradoiro que levou a Pumprla aos tiros libres, pero incriblemente fallou os dous e abocou o partido á prórroga.

Tiña fame de vitoria o Gipukoa Basket e non desaproveitaría o agasallo que lle ofrecía o equipo de Ramón Fernández e, con Jordan e Hanley, moi metidos no partido no tramo final, logrou unha sufrida pero xusta vitoria que deixa a permanencia moi preto.