O galego Gabriel Marcelli é o novo campión do mundo de trial en TR2. O deportista do Rosal conquistou o título na localidade murciana da Nucía —onde se disputaba a última proba do campionato— logo de quedar terceiro e segundo nas dúas últimas tempadas.
"Levabamos moito tempo traballando duro e picando pedra e mellor non puido ir", comentou o galego, de 19 anos, que dixo levar da Nucía "o mellor recordo" da súa vida.
Marcelli recoñeceu que ser campión do mundo é algo que non se lle pasaba "pola cabeza" fai só un par de anos e desvelou que a súa idea é dar o salto a próxima tempada ao TrialGP. "Irei aprender, sen grandes obxectivos. O tempo dirá onde podo chegar", concluíu o piloto galego.
Gabriel Marcelli, campeó do Mundo de Trial2!! https://t.co/AJPuBPILVg < href="https://t.co/IcUl6gI40c">pic.twitter.com/IcUl6gI40c<> — RFME (\
rfme_oficial) September 22, 2019<>