O Celta de Vigo anunciou este mércores a ampliación de contrato por un ano máis, ata o 30 de xuño de 2023, do internacional español Iago Aspas, quen será celeste ata o centenario do club.
"Iago Aspas continuará lucindo ata 2023 o escudo que tantas veces sinalou con orgullo e paixón nos estadios de todo o país. A canteirán forma xa parte da historia do club polas súas impresionantes cifras e a oportunidade e o valor dos seus goles. Esta historia terá novos episodios, polo menos, ata o centenario", sinala a entidade no seu comunicado.
Tras dous anos sen minutos un Liverpool e Sevilla, o dianteiro regresou no verán de 2015 ao equipo no que se formou para conducilo á súa primeira semifinal da Europa League. As últimas dúas tempadas foi o máximo goleador español en LaLiga con 19 e 22 tantos, respectivamente.
