Kevin Vázquez renova co Celta ata 2023

O lateral dereito Kevin Vázquez renovou este sábado o seu contrato co Celta de Vigo ata o ano 2023, informa o club.

"É un soño cumprido, para min e para todos os canteiráns", manifestou o futbolista aos medios oficiais do Celta tras asinar o seu novo contrato xunto ao presidente, Carlos Mouriño, na nova sede celeste.

Vázquez deu o salto este verán ao primeiro equipo tras xogar as últimas dez campañas coa filial, co que disputou as últimas dúas fases de ascenso a Segunda División.