O presidente da Federación Galega de Fútbol, Rafael Louzán, colleu a testemuña do responsable da de Atletismo, Isidoro Hornillos, á fronte da Unión de Federacións Deportivas Galegas (UFEDEGA).
Este venres foron referendados oficialmente todos os membros da única candidatura que se presentou, a que encabeza Louzán, tras concluír o prazo sen que se formulou reclamación algunha, segundo explicou UFEDEGA nun comunicado.
Hornillos anunciara fai máis dun ano a súa intención de non presentarse á reelección, aínda que seguirá formando parte da Xunta Directiva, na que tamén estarán representantes das federacións de balonmán, baloncesto, caza, atletismo, kárate, ciclismo, judo, piragüismo, voleibol e taekwondo.
A Federación Galega de Fútbol, que ostentaba a vicepresidencia de UFEDEGA, pasa agora a encabezar, a través do seu presidente, unha lista de consenso.
Con Hornillos como dirixente, UFEDEGA foi recoñecida na Lei do Deporte de Galicia e tivo un papel activo en contra da licenza deportiva única.
Actualmente, a Unión de Federacións está a preparar un conxunto de propostas, xunto co resto de asociacións de federacións autonómicas de España, en relación ao anteproxecto da Lei do Deporte.
