O exfutbolista brasileiro Ronaldo Nazário de Lima continúa "en bo estado" tras ser ingresado o pasado venres pola tarde por un principio de pneumonía e espera, na Policlínica Nuestra Señora del Rosario, en Ibiza, de que lle dean o alta. Ronaldo tivo tose e algo de febre, polo que acudiu ao hospital onde quedou ingresado para previr riscos.
Tres días despois, o exfutbolista de Barcelona e Real Madrid, entre outros equipos, atópase ben e á espera de recibir a alta médica no centro médico no que ingresou tras acudir en primeira instancia ao Hospital de Can Misses de Ibiza.
Dita alta daranlla os médicos entre este luns e o martes, segundo asegurou a súa contorna, e cando esta se produza Ronaldo regresará ao seu domicilio sen complicacións.
