O eslovaco Peter Sagan (Bora) impúxose na décimo terceira etapa do Tour de Francia, disputada entre Bourg D'Oisans e Valence, de 169,5 quilómetros, xornada de transición na que o británico Geraint Thomas (Sky) mantivo a camisola amarela.
Sagan, que obtén o seu terceiro triunfo parcial no presente Tour, remontou a todos os seus rivais no esprint e alzou os brazos cun tempo de 3h.45.55, por diante do noruegués Alexander Kristoff (UAE) e do francés Arnaud Demare.
No xeneral, sen cambios, segue á fronte Thomas, ségueno o seu compañeiro Chris Froome, a 1:39, e o holandés Tom Dumoulin (Sunweb) a 1:50.
Este sábado, a décimo cuarta etapa levará ao pelotón de Saint-Paul Trois-Chateaux a Mende, ao longo de 188 quilómetros.
