Fernando Hierro, adestrador da selección española, só presenta unha novidade no once para o partido deste luns contra Marrocos, na última xornada do grupo B do Mundial 2018, coa entrada de Thiago Alcántara por Lucas Vázquez respecto ao último triunfo ante Irán do mércores.
O técnico, coa súa terceira aliñación diferente noutros tantos encontros á fronte do banco da selección, sae no estadio de Kaliningrado con David de Gea, na portería; Dani Carvajal, Sergio Ramos, Gerard Piqué e Jordi Alba, na defensa; Sergio Busquets e Thiago, no medio centro; David Silva, Andrés Iniesta e Isco Alarcón, por diante; e Diego Costa, na punta.
