O xeneral retirado Fulgencio Coll, Xefe de Estado Maior do Exército de Terra (JEME) entre os anos 2008 e 2012, será o candidato de Vox á Alcaldía de Palma, segundo anunciou este xoves a formación liderada por Santiago Abascal.
Coll ocupou o posto de maior responsabilidade do Exército de Terra durante o Goberno de José Luis Rodríguez Zapatero. Durante esta etapa estivo ademais baixo as ordes do agora dirixente de Podemos José Julio Rodríguez, que era Xefe de Estado Maior da Defensa (JEMAD) nesa mesma época.
Durante a súa carreira militar, Fulgencio Coll ocupou numerosos postos de responsabilidade, entre os que tamén destaca o cargo de xeneral da Unidade Militar de Urxencias (UME) na súa creación; ademais de responsabilidades en misións como Bosnia ou Iraq.
A candidatura foi presentada este xoves polo presidente de Actúa Vox, Jorge Campos, que presentou o Comité Local de Palma da coalición electoral. O Comité de Palma está composto ademais por Sandra Barceló, Antonio Gili, Azra Dobojlic, Raúl Arenas, Juan Antonio Cortés, Alejandro Oliveirais, Antonio Carrillo e Montse Amat.
