Unha moza de 19 anos denunciou o pasado 25 de decembro aos Mossos d'Esquadra ter sido vítima dunha agresión sexual múltiple nun local de La Seu d'Urgell (Lleida).
Segundo informaron a Efe fontes da policía catalá, por mor desta denuncia o pasado día 28 foi detido un mozo de 19 anos e veciño deste municipio como un dos presuntos autores da agresión sexual.
O detido, tras pasar a disposición xudicial, foi posto en liberdade con cargos.
A través das redes sociais, o Colectivo Feminista de La Seu d'Urgell explicou que os autores da agresión foron cinco mozos, catro de Andorra e un de La Seu.
Así mesmo, o colectivo asegurou que o detido polos Mossos é un dos compoñentes dun grupo de música que ten prevista unha actuación de Fin de Ano no mesmo local onde ocorreu a presunta agresión.
Neste sentido, os organizadores da festa confirmaron, segundo subliñou o Colectivo Feminista, que o detido non participará na devandita actuación.
A investigación por parte dos Mossos segue aberta con tal de esclarecer os feitos e identificar ao resto de presuntos implicados na agresión.
