Polémica en Zaragoza por un folleto sobre o consumo de drogas patrocinado polo Concello como parte do Plan Integral do Casco Histórico. Esta guía, editada pola Asociación Consumo Con Conciencia, foi duramente criticada polo PP, que a considera "unha incitación ao consumo de drogas" e pide ao goberno local, de Zaragoza en Común, que a retire.
Os folletos, distribuídos pola zona vella da capital aragonesa, inclúen consellos sobre o uso adecuado de distintas sustancias estupefacientes. Sobre a cocaína, por exemplo, indica: “Para fabricar un rulo que non dañe os epitelios nasais, é preferible utilizar un papel ou cartón enrolado que tubos ou cañas de materiais duros. Pulverizar ben a cocaína (machucando os cristaliños previamente á aspiración) reduce a aparición de hemorraxias e ulceracións nas mucosidades do nariz”.
E sobre o cannabis dise que “dependendo do tipo de efectos buscados (máis psicodélicos, máis relaxantes, terapéuticos…) deberá buscarse un tipo ou outro" desta sustancia. Engade que "é preferible" consumilo “nas ocasións especiais”, e “tratar de evitar na medida do posible un consumo frecuente”.
