A instrución do caso Torbe está moi avanzada. O xuíz atribúelle a Ignacio Allende, Torbe, —considerado o rei do porno español— distribuír pornografía infantil e transmitir unha gravación mantendo relacións cunha menor. Sen embarco, decidiu excluír da causa o delito de trata e branqueo de capitais.
Segundo publica o diario El País, a Fiscalía pediu ao instrutor que elimine das dilixencias o delito de trata de brancas ao "non quedar acreditado" que Torbe ou a súa contorna "utilizasen violencia ou intimidación" para gravar escenas porno.
Se que ve, con todo, indicios de criminalidade en Torbe por distribución e posesión de pornografía infantil e descubrimento e revelación de segredos. Un informe da Policía sinala que Allende difundiu vídeos dunha menor coa que mantivo relacións sexuais e tiña arquivos de pornografía infantil nun cartafol no seu computador.
A investigación, centrada no director de cine porno e varios dos seus empregados e amigos, causou un gran balbordo mediático en 2016, cando Torbe foi detidos e saíu á luz a súa relación con coñecidos xogadores de fútbol e personaxes televisivos. Entón, Allende estivo en prisión durante sete meses e quedou en liberdade tras o pago de 100.000 euros de fianza.
