Galicia ostenta a dubidosa honra de ser a comunidade con máis condenados a permanente revisable. De feito, foi David Oubel –veciño de Moraña– quen inaugurou esta figura procesual en España en xullo de 2017, ao ser castigado por asasinar ás súas dúas fillas cunha radial dous anos antes.
En outubro de 2018 Marcos Mirás pasou a engrosar esta nómina por matar ao seu único vástago, de 11 anos, en Oza Cesuras o Día da Nai de 2017 para vingarse da súa ex. O Chicle pecha agora esta lista, aínda que a diferenza dos anteriores o seu crime foi sexual e non un filicidio.
O tamén galego José Luís Abet, autor do triplo crime machista de Valga, podería ser o seguinte en alimentar este fatídico rexistro, pois todo apunta a que se exporá a unha petición de condena similar á dos anteriores.
Hai outra comunidade cuxos tribunais tamén ditaron tres penas máximas, Andalucía, aínda que non todos os condenados son españois, pois a máis soada, Ana Julia, é dominicana. Matou o neno Gabriel en Almería, onde tamén se ditou outra condena deste tipo. A outra foi en Sevilla.
O resto repártense entre Castela A Mancha con –unha en Guadalaxara e outra en Toledo–, Castela e León, Madrid, Cataluña, Illas Canarias e País Vasco.
Os galegos, con tres, acaparan case a cuarta parte das penas máximas ditadas en España, concretamente o 23,3%.
