Un grupo de mozos agrediu este martes na rúa Príncipe de Vigo un home que, supostamente, realizaba xestos obscenos a todo o que se lle cruzaba e que se encarou con eles, informaron fontes da Policía Local, que detivo un dos mozos, un menor que tiña pendente unha orde de procura.
Unha patrulla desprazouse ás 23.00 horas a rúa Príncipe, onde se entrevistou coa vítima da agresión, que estaba a recibir asistencia sanitaria, e quen mostraba síntomas de estar bebido ou drogado.
Unha testemuña ocular relatou aos axentes que a vítima realizaba xestos obscenos aos viandantes cos que se cruzaba, e ao enfrontarse a un grupo de mozos estes agredírono e fuxiron. A Policía Local localizou nas inmediacións un dos supostos agresores, quen tiña pendente unha orde de procura do Xulgado de Menores número 1 de Pontevedra e foi trasladado a un centro de internamento.
