Pese ao malestar xerado entre a militancia socialista, por exemplo en Lugo, tras os cambios nas candidaturas, o secretario xeral do PSdeG, Gonzalo Caballero, declarouse este luns moi satisfeito co peche das listas e admitiu que, máis aló de tensións próximas ao que "a condición humana" en política, o partido non ten problema algún e si unha gran "fortaleza".
"Son, de todos, os mellores", os elixidos, indicou nunha rolda de prensa na sede da capital galega, e engadiu que "non poden estar tantos como nos gustaría", á parte de remarcar a "total consonancia" do PSdeG co "PSOE de Pedro Sánchez" e a mensaxe de que a súa batalla non é a dos cargos, tampouco a dos nomes.
Caballero encadrou o proceso a encadrado dentro da normalidade e, sobre a renuncia do que era candidato á Alcaldía de Ourense José Ángel Vázquez Barquero, ao ser modificada a súa lista, mostrou o seu "respecto", á vez que agradeceu o traballo do "seu amigo e compañeiro".
SANTOS DEFENDE A BARQUERO. Con respecto a Barquero, o secretario xeral do PSdeG en Lugo, Álvaro Santos, expresou este luns a súa "máis absoluta admiración" por el. "É un exemplo claro e indiscutible de ideoloxía e coherencia no Partido Socialista", dixo o líder provincial.
Santos: "Farei todo o posible para que non se reproduza o sucedido nas candidaturas ás alcaldías"
De feito, o líder provincial do PSdeG en Lugo mostrouse partidario de que "un candidato á Alcaldía" dispoña de marxe para "decidir" quen debe acompañalo na súa candidatura, porque a súa obrigación é formar "un equipo".
E, como secretario xeral do PSdeG na provincia de Lugo fará "todo o posible" para que non se reproduza en ningún dos 67 municipios situacións como as vividas en Ferrol e Ourense.
Tamén Ourense, que ten como cabeza de lista ao Congreso a Mariña Ortega, concelleira no Carballiño, en lugar da Juan Carlos Francisco Rivera, convertido no número un ao Senado. Ademais, entre as vinte cidades nas que houbo modificacións, están a cidade das Burgas precisamente e Ferrol.
Na primeira, Concha García, que forma parte da dirección galega, substitúe a Juana Ageitos, que deixa o posto catro ao seu favor e pasa ao dez. En Ferrol, entran Germán Costoya e Cristina Prados, nos postos cinco e oito, respectivamente.
Así mesmo, o exministro socialista José Blanco expresou a súa "infinita e eterna gratitude" ao PSOE e os seus militantes ao dar por finalizada unha etapa na súa traxectoria política tras quedar fóra das listas do partido ás eleccións europeas do 26 de maio.
