Olga Louzao presentou a súa renuncia á portavocía de Cs en Galicia. Asegura que responde a motivos estritamente persoais e ao desexo de centrarse no ámbito local nesta nova etapa, que comeza con eleccións autonómicas no horizonte ás que ela non se presentará, afirmou.
Ante esa situación, considera necesario deixar paso e dar visibilidade a outras persoas. Ela mantense no consello xeral de Cs, é a portavoz de Cs no Concello de Lugo e asegura que a súa decisión non ten nada que ver co momento convulso que vive o seu partido tanto a nivel nacional como en Galicia.
