A titular do xulgado de instrución número 1 de Tui acordou este martes prisión provisional comunicada e sen fianza para o home detido por segunda vez tras a aparición de novos depósitos ilegais de sustancias explosivas.
Francisco González Lameiro está investigado por delito de risco catastrófico, homicidio imprudente, danos imprudentes, lesións imprudentes e tenencia ilícita de explosivos.
A xuíza entende que, tras a aparición dos depósitos, cuxa existencia non mencionou na súa declaración xudicial da semana pasada, as circunstancias variaron e por iso acorda o seu ingreso á prisión. Considera que existe risco de alteración de fontes de proba e risco de reiteración delituosa.
Ademais, ao existir a posibilidade da que a pena imposta sexa maior, entende que, a pesar do arraigamento, aumentou o risco de fuga.
